ਅਮਰੀਕਾ ‘ਚ ICE ਨੇ ਭਾਰਤੀ ਟਰੱਕ ਡਰਾਈਵਰ ਨੂੰ ਕੀਤਾ ਗ੍ਰਿਫ਼ਤਾਰ
ਅਮਰੀਕੀ ਇਮੀਗ੍ਰੇਸ਼ਨ ਅਧਿਕਾਰੀਆਂ ਨੇ ਨਿਊ ਹੈਂਪਸ਼ਾਇਰ (New Hampshire) ‘ਚ ਇੱਕ ਵਪਾਰਕ ਵਾਹਨ ਜਾਂਚ ਸਟੇਸ਼ਨ (commercial vehicle inspection station) ਉੱਤੇ ਕਾਰਵਾਈ ਦੌਰਾਨ ਇੱਕ ਭਾਰਤੀ ਨਾਗਰਿਕ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਿਸ ਉੱਤੇ ਦੋਸ਼ ਹੈ ਕਿ ਉਹ 8 ਸਾਲਾਂ ਤੋਂ ਵੱਧ ਸਮੇਂ ਤੋਂ ਅਮਰੀਕਾ ਵਿੱਚ ਗੈਰ-ਕਾਨੂੰਨੀ ਤੌਰ ‘ਤੇ ਰਹਿ ਰਿਹਾ ਸੀ। ਸਤਵੀਰ ਸਿੰਘ ਨੂੰ ICE ਬੋਸਟਨ ਵੱਲੋਂ 11 ਸਤੰਬਰ ਨੂੰ ਹਿਲਸਬਰੋ (Hillsborough) ਦੇ ਜਾਂਚ ਸਟੇਸ਼ਨ ਤੋਂ ਹਿਰਾਸਤ ਵਿੱਚ ਲਿਆ ਗਿਆ, ਜਿੱਥੇ ਉਹ ਅੰਤਰਰਾਜੀ ਵਪਾਰ (interstate commerce) ਵਿੱਚ ਟਰੱਕ ਡਰਾਈਵਰ ਵਜੋਂ ਕੰਮ ਕਰ ਰਿਹਾ ਸੀ। ਉਹ ਨਿਊ ਜਰਸੀ ਦਾ ਰਹਿਣ ਵਾਲਾ ਸੀ।
ਸਿੰਘ 2017 ਵਿੱਚ ਕਾਨੂੰਨੀ ਤੌਰ ‘ਤੇ ਅਮਰੀਕਾ ਵਿੱਚ ਦਾਖਲ ਹੋਇਆ ਸੀ, ਪਰ ਬਾਅਦ ਵਿੱਚ ਆਗਿਆ ਦਿੱਤੀ ਗਈ ਮਿਆਦ ਤੋਂ ਵੱਧ ਸਮਾਂ ਰਹਿ ਕੇ ਉਸਨੇ ਦਾਖਲੇ ਦੀਆਂ ਸ਼ਰਤਾਂ ਦੀ ਉਲੰਘਣਾ ਕੀਤੀ। ICE ਬੋਸਟਨ ਅਨੁਸਾਰ, ਇਹ ਗ੍ਰਿਫ਼ਤਾਰੀ ਹਿਲਸਬਰੋ ਜਾਂਚ ਸਾਈਟ ‘ਤੇ ਚਲਾਏ ਗਏ ਵਿਸ਼ੇਸ਼ ਅਭਿਆਨ ਦੌਰਾਨ ਕੀਤੀ ਗਈ।
ਇਹ ਮਾਮਲਾ ICE ਬੋਸਟਨ ਵੱਲੋਂ ਕੀਨ (Keene), ਨਿਊ ਹੈਂਪਸ਼ਾਇਰ ਵਿੱਚ ਇੱਕ ਹੋਰ ਭਾਰਤੀ ਨਾਗਰਿਕ ਬੰਕਿਮ ਰਾਮਜੀਭਾਈ ਅਘੇਰਾ ਨੂੰ ਗ੍ਰਿਫ਼ਤਾਰ ਕਰਨ ਤੋਂ ਦੋ ਹਫ਼ਤਿਆਂ ਤੋਂ ਵੀ ਘੱਟ ਸਮੇਂ ਬਾਅਦ ਸਾਹਮਣੇ ਆਇਆ ਹੈ। ਅਘੇਰਾ ‘ਤੇ ਗੰਭੀਰ ਸਰੀਰਕ ਸੱਟ ਪਹੁੰਚਾਉਣ ਵਾਲੇ ਯੋਨ ਸ਼ੋਸ਼ਣ ਅਤੇ ਬਿਨਾਂ ਸਹਿਮਤੀ ਤੋਂ ਯੋਨ ਹਮਲੇ ਵਰਗੇ ਗੰਭੀਰ ਸੰਗੀਨ ਦੋਸ਼ (felony charges) ਲੰਬਿਤ ਸਨ।